आंबेडकरांचा अपमान महागात पडला, आरोपी अंधेरीतून जेरबंद - धारावी पोलिसांची तात्काळ कारवाई

धारावी पोलीस ठाण्यात महिलांच्या प्रतिनिधींनी आंबेडकर अपमान प्रकरणी तक्रार सादर केली.

धारावी: धारावी पोलीस ठाण्याच्या हद्दीतील शहीद भगतसिंग नगर, कुंभारवाडा येथील स्थानिक रहिवासी प्रेमसागर सहानी याने एका व्हिडिओच्या माध्यमातून डॉ. बाबासाहेब आंबेडकर आणि दलित समाजाबद्दल (चमार शब्दाचा वापर करून) अत्यंत खालच्या भाषेत शिवीगाळ केली. या व्हिडिओमध्ये आरोपीने केवळ समाजाचाच नव्हे, तर पोलीस प्रशासनाचाही अपमान केला आहे.

व्हिडिओमध्ये आरोपी उघडपणे धमकी देताना दिसत आहे की, "मी ८ लाख रुपये देऊन बाहेर येईन आणि त्यानंतर तुमचे काय होईल ते बघा." ही धमकी तो स्थानिक रहिवासी रविशंकर जैसवार यांना देत होता. रवी जैसवार यांनी या कृत्याचा धैर्याने विरोध केला, मात्र आरोपी जुमानण्यास तयार नव्हता.

राजकीय हस्तक्षेप आणि पोलिसांची तत्परता

हे प्रकरण आरपीआय (RPI) पक्षाचे प्रदेश उपाध्यक्ष गोविंद मोइते यांच्यापर्यंत पोहोचले. त्यानंतर ९ एप्रिल २०२६ रोजी सायंकाळी ७:०० वाजता गोविंद मोइते यांनी धारावीचे वरिष्ठ पोलीस निरीक्षक राजू भागुजी बिडकर यांची भेट घेतली. घटनेचे गांभीर्य ओळखून वरिष्ठ पोलीस निरीक्षकांनी तातडीने पथक रवाना केले. अवघ्या काही वेळातच आरोपी प्रेमसागर सहानी याला अंधेरी येथून ताब्यात घेण्यात आले.

दाखल करण्यात आलेले गुन्हे

धारावी पोलिसांनी भारतीय न्याय संहिता (BNS) २०२३ च्या विविध कलमान्वये आणि अनुसूचित जाती-जमाती अत्याचार प्रतिबंधक कायद्यांतर्गत (Atrocity Act) गुन्हा दाखल केला आहे:

• BNS कलमे: ३०२, ३५२, ३५१(२)

• SC/ST ॲक्ट कलमे: ३(१)(r), ३(१)(s)

जनतेचा प्रतिसाद: पोलिसांवर विश्वास वाढला

आरोपीला अटक झाल्यानंतर परिसरातील तणाव मोठ्या प्रमाणात कमी झाला.
भीम आर्मी आणि RPI कार्यकर्त्यांनी पोलिसांच्या तत्परतेचे कौतुक केले.

धारावी पोलीस ठाण्यात पुरुष प्रतिनिधींनी आंबेडकर अपमान प्रकरणी तक्रार दाखल केली.

“जोपर्यंत राजू बिडकर साहेब धारावीत आहेत, तोपर्यंत अन्याय सहन केला जाणार नाही,”
असा विश्वास नागरिकांनी व्यक्त केला.

यावेळी वरिष्ठ पोलीस निरीक्षक राजू बिडकर यांनी जनतेला आवाहन केले की, 

"डॉ. बाबासाहेब आंबेडकरांचा अपमान खपवून घेतला जाणार नाही. जो कोणी अशा प्रकारचे कृत्य करेल, त्याच्यावर कठोर कायदेशीर कारवाई केली जाईल."