निलंबित कर्मचाऱ्यांची नावे:
निलंबन करण्यात आलेल्या कर्मचाऱ्यांमध्ये किरण अब्दागिरे (पोलीस हवालदार), गणेश खाडे आणि किरण कांबळे या नावांचा समावेश आहे
नेमकी घटना काय?
मिळालेल्या माहितीनुसार, संबंधित कर्मचाऱ्यांनी एका तरुण आणि तरुणीला अडवले होते. "तुम्ही सेक्स रॅकेट चालवता, तुम्हाला यात अडकवू" अशी धमकी देत त्यांनी भीती घातली. इतकेच नाही तर, संबंधित तरुणाला मारहाण करून त्याच्याकडून पैशांची मागणी केली आणि पैसे उकळले.
या प्रकरणाची तक्रार वरिष्ठ स्तरावर गेल्यानंतर पुणे पोलीस आयुक्तांनी या प्रकरणाची गंभीर दखल घेतली. खात्यांतर्गत चौकशीनंतर कर्तव्यात कसूर आणि भ्रष्टाचाराचा ठपका ठेवत या तिघांनाही तातडीने निलंबित करण्याचे आदेश देण्यात आले आहेत.
पोलीस दलाची प्रतिमा मलीन करणाऱ्या अशा कृत्यांमुळे आयुक्तांनी घेतलेल्या या 'झिरो टॉलरन्स' भूमिकेचे शहरात स्वागत होत आहे.